शनि, असार २७, २०८२
३ वर्ष पहिले
भदौ-१२,नेवा संस्कृति र लबजमाथि ब्यंग्य गरेको भन्दै स्ट्याण्ड अप कमेडियन अपूर्व क्षितिज सिहलाई प्रहरीले पक्राउ गरेको छ । सिंहलाई आइतबार पक्राउ गरिएको काठमाडौं प्रहरी परिसरले जानकारी दिएको छ।
कमेडि क्याफे नामक युट्युब च्यानलबाट सार्वजनिक भएको भिडियोमा सिंहले नेवार समुदायको कला, संस्कृति र लवजमाथि ब्यंंग्य गरेका थिए । उक्त विषयलाई लिएर शुक्रबार नेवार समुदायले सिंह विरुद्ध उजुरी दिएका थिए ।
उजुरीपछि सिंहलाई प्रहरीले नियन्त्रणमा लिएको हो । उनलाई हिरासतमा राखेर अनुसन्धान थालिएको काठमाडौं प्रहरी परिसरका प्रवक्ता डिएसपी दिनेशराज मैनालीले जानकारी दिएका छन् ।
आफ्नो प्रस्तुतीलाई लिएर आलोचना भएपछि सिंहले माफी माग्दै युट्युबबाट भिडियो हटाइसकेका छन् । उनले कसैमाथि अपमान गर्ने उद्देश्य नभएर रमाइलोका लागि मात्रै व्यंग्य गरेको प्रतिक्रिया दिएका छन् ।
