असोज-५,मुग्लिन-नारायणगढ सडकखण्ड अन्तर्गत तुइन खोला नजिक खसेको पहिरोका कारण बन्द भएको सडक २:०० बजे सम्म एकतर्फी संचालनमा आउने भएको छ।

शुक्रबार साँझ ७ः१५ बजे पहिरो जाँदा अवरुद्ध भएको सवारी आवागमन आज २:०० बजेसम्ममा संचालन आउने इलाका प्रहरी कार्यालयका प्रमुख प्रहरी निरीक्षक प्रतिक सिंहले बताएका हुन्।

पहिरो पन्छाउनका लागि मुग्लिनतर्फ तीनवटा र नारायणगढतर्फ दुईवटा उपकरण प्रयोग गरिएको छ।थप पहिरो नझरे र निरन्तर रूपमा कार्य गर्दा बाधा नभए आज दिउँसो २:००बजेसम्म सवारीसाधन सञ्चालनमा ल्याउन सकिने जनाएको छ ।

सडक सञ्चालनमा आएपछि सम्पुर्ण सवारी चालकहरुले कडाइका साथ ट्राफिक नियम पालना गरि आवागमनलाई सहज बनाउन पनि अनुरोध गरेको छन्।