शनि, साउन ११, २०८१
३ वर्ष पहिले
कार्तिक-१८, आज महाकवि लक्ष्मीप्रसाद देवकोटाको १ सय १३ औं जन्मजयन्ती साहित्यिक क्षेत्रमा विभिन्न कार्यक्रम गरी मनाइँदैछ ।
महाकवि देवकोटाको जन्म वि.सं. १९६६ साल कार्तिक कृष्ण औंसी अर्थात लक्ष्मीपुजाको दिन काठमाडौंको डिल्लीबजारमा भएको थियो । देवकोटाका थुप्रै महाकाव्य, खण्डकाव्य, निबन्ध, कथा, नाटक, उपन्यास, गीत, समालोचना र फुटकर कविता प्रकाशित छन् ।
नेपाली साहित्यमा आधुनिक महाकाव्य लेखनको थालनी गर्नुभएको देवकोटाको ‘मुनामदन’ खण्डकाव्य नेपाली भाषामा प्रकाशित सबैभन्दा बढी बिक्री भएको पुस्तक हो । नेपाली साहित्यमा देवकोटा स्वच्छन्दतावादी–प्रगतिवादी धाराका प्रवर्तक मानिनुहुन्छ ।
वि.सं. २०१६ मा शिक्षामन्त्री हुदा देवकोटाले दशैभर नेपाली भाषालाई अनिवार्य विषयका रुपमा लागू गराउनु भएको थियो । देवकोटाका मुनामदनसहित, शाकुन्तल, पागल, सुलोचना, कुञ्जिनी लगायत कृति प्रसिद्ध छन् ।
