शनि, साउन ११, २०८१
३ वर्ष पहिले
साउन-३,बेलायतमा कोरोना भाइरसको संक्रमणको तेस्रो लहरको सुरुवात भएको विज्ञहरुले बताएका छन् ।
वल्डोमिटर्सका अनुसार पछिल्लो २४ घण्टामा बेलायमा थप ५४ हजार ६७४ जनामा कोरोना पुष्टि भएको छ।सोही अवधिमा कोरोनाका कारण बेलायतमा ४१ जनाले ज्यान गुमाएका छन्।
गत जनवरी १५ पछि बेलायतमा एकैदिन ५० हजारभन्दा बढी कोरेना संक्रमित थपिएको थिएन। पछिल्लो दुई दिन लगातार ५० हजार नयाँ संक्रमित थपिएका छन् ।
त्यसैगरी बेलायतका स्वास्थ्य मन्त्री साजिद जाविद संक्रमण पुष्टि भएको बिबिसीले उल्लेख गरेको छ ।
खोपको दुवै मात्रा लगाएका मन्त्री साजिदले निकै मन्द लक्षणहरु देखिएको पछि पीसीआर जाँच गराउदा शनिबार राति आफ्नो रिपोर्ट पोजेटिभ आएको जानकारी दिएका हुन् ।
