शुक्र, मंसिर २०, २०८१
४ वर्ष पहिले
हेटौंडा कार्तिक २६ । हेटौंडाको रातोमाटेमा मोटरसाइकल दुर्घटना हुँदा मोटरसाइकल चालकको मृत्यु भएको छ ।
मृत्यु हुनेमा जितपुर सिमरा उपमहानगरपालिकाको परवानीपुरका २६ वर्षीय प्रतिक क्षेत्री रहेका छन् ।
बुधबार दिउँसो प्रहरीले घटनास्थलमा पुगेर हेर्दा सडक कलभटभन्दा तल खोँचमा मोटरसाइकलले थिचेको अवस्थामा क्षेत्रीलाई भेटेको थियो ।
बीरगन्जबाट हेटौंडातर्फ आउँदै गरेको बा ४५ प ८४७४ नंबरको पल्सर मोटरसाइकल दुर्घटना अवस्थामा भेटेको जिल्ला प्रहरी कार्यलय मकवानपुरले जनाएको छ ।
क्षेत्रीको शव पोष्टमार्टमका लागि हेटौंडा अस्पतालमा राखिएको र मृतकका परिवार सम्पर्कमा आएको प्रहरीले जनाएको छ । Source: khabarbreak
