नेपाली लेग स्पिनर सन्दीप लामिछाने सम्मिलित दिल्ली क्यापिटल्सले इन्डियन प्रिमियर लिग (आइपिएल) २०२० मा कोलकत्ता नाइट राइडर्सलाई १८ रनले पराजित गर्दै तेस्रो जित निकालेको हो ।
शनिवार राती १५ औं खेल सारजाह क्रिकेट स्टेडियममा टस हारेर पहिले ब्याटिङको निम्तो पाएको दिल्लीले निर्धारित २० ओभरमा ४ विकेट गुमाएर २२८ रनको विशाल योगफल तयार गरेको थियो।
२२९ रनको विजय लक्ष्यसहित मैदानमा उत्रिएको कोलकत्ताले निर्धारित २० ओभरमा ८ विकेट गुमाएर २१० रन मात्र बनाउन सक्यो र ऊ १८ रनले पराजित हुन पुग्यो ।
दिल्लीको टीममा नेपाली क्रिकेटर सन्दीप लामिछाने समेत रहेका छन् । तर आजको खेलमा समेत उनीले मौका पाएनन्।
यो जीतसंगै दिल्ली क्यापिटल्स इन्डियन प्रिमियर लिग (आइपिएल) २०२० को अंक तालिकामा शीर्ष स्थानमा उक्लिएको छ ।
आज पनि दुई खेल हुनेछ । पहिलो खेल सनराइजर्स हैदराबाद र मुम्बई इण्डियन्स तथा दास्रो खेल चेन्नई र किंग्स इलेभेन पन्जाब बीच हुनेछ ।