शनि, साउन ११, २०८१
४ वर्ष पहिले
प्रगतिवादी कवि चन्द्रा थानीको असामयिक निधनले यतिखेर सबै लेखक एवं सांस्कृतिककर्मी लाई स्तब्ध बनाएको छ । यो शोकको घडीमा उहाँको यो कवितासँगै उहाँप्रति हार्दिक श्रद्धा सुमन ।
हराएको देश
चन्द्रा थानी
पहाडबाट झरेदेखि
बगरेको हातमा परेदेखि
हराएको छ मेरो देश
भेटिँदैन मेरो देश
खै ! कहाँ छ मेरो देश ?
मैले खोजिरहेको छु
न सरकारमा गएको छ
न न्यायालयमा रहेको छ
न संविधानमा बसेको छ
न संसदमा पसेको छ
खै ! कहाँ छ मेरो देश ?
खोलानाला वनजङ्गल जताततै पुगिसकें
साँध सिमानामा गएर खोजिसकें
कुनाकाप्चामा छाँद मारिसकें
सूचनामा नाम टाँसिसकें
अझै पनि भेटिएन मेरो देश
खै ! कहाँ छ मेरो देश ?
चारकोसे झाडीलाई भने
हिमनदीको जललाई सोधें
दशगजामा रहेको जङ्गेपिल्लरलाई गुहारें
मैले मेरो देश भेट्न सकिनँ
खै ! कहाँ छ मेरो देश ?
ए बगरेहरु हो !
तिमीले मेरो देशलाई मबाट छुटाउन
सुस्ता, मानेभज्ञ्याङ र कालापानी
ल्गायत थुप्रै ठाउँमा खेद्यौ
मेची र महाकालीमा रेट्यौ
कोसी, गण्डकी र कर्णालीमा
पिट्नसम्म पिट्यौ
उठ्नै नसक्ने गरी थला पा¥यौ
यसैगरी मेरो देशलाई
तिमीले नजरबन्द बनायौ, मरणासन्न तुल्यायौ
ए बगरेहरु हो !
तिमीले मेरो देशलाई सास्ती दिनसम्म दियौ
अब तिम्रा सबै कर्तुत पर्दाफास नगरेसम्म
तिम्रो हातबाट देश नखोसेसम्म
बन्दैन मेरो देश
मिल्दैन शान्ति
भेटिँदैन मेरो देश
खै, कहाँ छ मेरो देश ?
अनिल श्रेष्ठ,आँबु खैरेनी
