बुध, असार २४, २०८२
२ वर्ष पहिले
चैत्र -२१, त्रिभुवन विमानस्थल भित्र सेवा दिँदै आएका ट्याक्सी चालकहरु हड्तालमा उत्रिएका छन् । विमानस्थल भित्र पार्किङ क्षेत्रमा भाँडा महँगो भएको भन्दै उनीहरु विरोधमा उत्रिएका हुन् ।
नेपाल यातायात स्वतन्त्र मजदुर संगठनको नेतृत्वमा चालकहरुले विमानस्थल भित्र दिने ट्याक्सी सेवा बन्द गराएका हुन् । विमानस्थलभित्र प्रतिघण्टा २० बाट बढाएर ८० रुपैयाँ पुर्याइएको छ ।
अझै १०० रुपैयाँ पुर्याउने धम्की आइरहेको चालकहरुको गुनासो छ । विमानस्थल बाहिरको गेट अगाडी चालकहरुले विरोध प्रदर्शनमा उत्रिएका छन् ।
विमानस्थलको जग्गा आईएमएम एयरपोर्ट सर्भिस नामको कम्पनीले भाडामा लिएको छ । पार्किङ गर्ने सवारी साधनहरुले भाँडा धेरै लिएको भन्दै गुनासो गरेका छन् ।
