शनि, साउन ११, २०८१
१ वर्ष पहिले
फागुन-७,पोखरा महानगरपालिका २६ लेखनाथ डाँडानाक प्रहरी चौकी अगाडि खोल्सामा बस खस्दा चालकसहित ४२ जना घाइते भएका छन् । पोखरा विश्वविद्यालयबाट पोखरा आउँदै गरेको ग १ ख ६७४७ नम्बरको बस दुर्घटनामा परेको हो ।
घाइतेहरूको पोखराको पश्चिमाञ्चल क्षेत्रीय अस्पताल र गण्डकी मेडिकल कलेजमा उपचार भइरहेको कास्कीका प्रहरी प्रमुख अजय केसीले जानकारी दिनुभयाे । ‘ब्रेक फेल’ भएपछि बस सडकबाट खोल्सामा खसेको चालकले बताएका प्रहरी प्रमुख केसीको भनाइ छ ।घाइतेमध्ये केहीको अवस्था गम्भीर रहेको प्रहरीले जनाएकाे छ । बसमा धेरैजसाे पोखरा विश्वविद्यालयबाट फर्किँदै गरेका विद्यार्थी रहेका छन् ।
