सोम, अशोज २०, २०८१
३ वर्ष पहिले
भदौ-३०, जिल्ला प्रशासन कार्यालय चितवनले आज जारी गरेको सूचनामा असोज १ गते देखि कानुनबमोजिम गर्नुपर्ने साधारण सभा सम्मेलनमा तथा अधिवेशन गर्न पाइने भएको छ ।
कानुनबमोजिम गर्नुपर्ने साधारण सभा सम्मेलनमा तथा अधिवेशन गर्न पाइने भएतापनि भौतिकरुपमा उपस्थित भए गरिने सबै प्रकारका सभा-सम्मेलन, प्रदर्शन, भेला, जात्रालाई तथा महोत्सव भने सञ्चालन गर्न पाइने छैन ।
त्यसैगरी सिनेमा हल सञ्चालन सम्बन्धमा सम्बन्धित व्यवसायसँग समन्वय गरी कोभिड-१९ को संक्रमण नहुने सुनिश्चितता सहितको मापदण्ड तयार भएपश्चात आवश्यक निर्णय गरिने जनाइएको छ ।
सबैप्रकारका उद्योग व्यवसाय लगायत जुनसुकै कार्य वा गतिविधि सञ्चालन गर्दा मार्क्सको अनिबार्य प्रयोग गर्ने भौतिक दूरी कायम गर्ने भिडभाड नहुने सुनिश्चितता गर्नु पर्ने छ । अन्यथा अनुगमनको क्रममा जनस्वास्थ्यको मापदण्ड पालना नगरेको पाइएमा अनुगमन समितिको सिफारिसमा त्यस्ता पसल/व्यवसायलाई आदेश अवधिभर बन्द गराइने तथा कानुन बमोजिम कारवाही गरिने आदेशमा जनाइएको छ ।
