शनि, साउन ११, २०८१
३ वर्ष पहिले
असार-३, नेपाल संयुक्त राष्ट्रसंघीय शान्ति सेनामा योगदान गर्ने मुलुकको सूचीमा विश्वकै तेस्रो स्थानमा परेको छ ।
२०२१ अप्रिल-३० सम्मको संख्याका आधारमा नेपाल तेस्रो स्थानमा रहेको नेपाली सेनाका प्रवक्ता सन्तोषवल्लभ पौडेलले बताए ।
संयुक्त राष्ट्रसंघीय शान्ति सेनामा ५ हजार ६ सय ८६ जना नेपाली सेना कार्यरत छन् ।
शान्ति मिसनमा योगदान गर्ने मुलुकको सूचीमा बंगलादेश पहिलो र इथियोपिया दोस्रोमा परेका छन् ।
नेपालले शान्ति मिसनका लागि नेपाली सेना पठाउन थालेको ५० वर्षभन्दा बढी भइसकेको छ । अहिले शान्ति मिसनमा बर्सेनि पाँच हजारभन्दा बढी नेपाली सैनिक खटिने गरेका छन् ।
यो संख्यालाई १० हजार सुरक्षाकर्मी खटाउन सक्नेगरी नेपाली सेनाले तयारी गर्दै आएको छ । यसका लागि युएनसँग सम्झौता पनि भइसकेको छ । यो सम्झौताअनुसार नेपाली सेना खटिएको अवस्थामा नेपाल शान्ति मिसनमा योगदान गर्ने मुलुकमध्ये पहिलो स्थानमा आउनेछ ।
