शनि, साउन ११, २०८१
३ वर्ष पहिले
जेठ-३, नेपाली क्रिकेट टोलीका स्टार सन्दीप लामिछानेले सोमबार कोरोनाविरुद्ध लड्न ‘टिम सन्दिप लामिछाने’ अभियान घोषणा गरेका हुन् ।
अभियान घोषणा गर्दै क्रिकेटर सन्दीप लामिछानेले कोरोना भाईरसविरुद्धको लडाईमा रु ३ लाख सहयोग गरेका छन् ।
सन्दीपले आर्थिक सहयोग संकलनका लागि बैंक खाता समेत खोलेका छन् । सन्दीपले अभियानको आरम्भ गर्दै उक्त खातामा ३ लाख जम्मा गरेको समेत जनाएका छन् ।
सन्दीपको अभियानमा जोडिन नेपाल सेन्चुरी कमर्सियल बैंकमा आर्थिक सहयोग जम्मा गर्न सकिने उनले जनाएका छन् । त्यसका लागि सन्दीप लामिछानेको खाता नम्बर ‘०१७००००३५३ सी ए’ मा जम्मा गर्न सकिने उनले सामाजिक सञ्जालमार्फत पनि जानकारी दिएका छन् ।
