शनि, साउन ११, २०८१
३ वर्ष पहिले
चैत्र-२४, स्वास्थ्य तथा जनसंख्या मन्त्रालयको अनुसार पछिल्लो २४ घण्टामा २ सय ६० जना संक्रमित थपिएका हुन् । यो संगै नेपालमा संक्रमित हुनेको संख्या २ लाख ७८ हजार ४ सय ७० पुगेको छ ।
२४ घण्टामा ४ हजार २ सय ४३ जनाको पिसिआर परीक्षण भएको छ । यो सँगै २२ लाख ९४ हजार ६७ जनाको पिसिआर भएको जनाईएको छ ।
पछिल्लो २४ घण्टामा १ सय १३ जना निको भएका छन् । कुल निको हुनेको संख्या २ लाख ७३ हजार ४ सय ५५ पुगेको छ । कोरोना भाइरस संक्रमित निको हुने प्रतिशत ९८.२ रहेको छ ।
स्वास्थ्य तथा जनसंख्या मन्त्रालयका अनुसार २४ घण्टामा कोरोनाबाट मृत्यु भएको संख्या शुन्य रहेको छ । हालसम्म कोरोना भाइरसबाट मृत्यु हुनेको संख्या ३ हजार ३६ पुगेको छ ।
देशभर सक्रिय संक्रमितको संख्या १ हजार ९ सय ७९ जना छन् भने क्वारेन्टिनमा ६९ जना छन् ।
