× गृहपृष्ठ हाइवे अप्डेट ताजा समाचार प्रदेश प्रविधि स्वास्थ्य साहित्य खेलकुद मनोरञ्जन अन्तर्राष्ट्रिय आर्थिक अन्य नेपाली युनिकोड

  • ताजा समाचार

    प्रधानमन्त्री ओली विरुद्ध भाजपा नेताको आक्रोश

    ३ वर्ष पहिले

    फागुन-१३, भारतीय जनता पार्टी (भाजपा) नेता सुब्रमण्यम स्वामी पछिल्लोपटक प्रधानमन्त्री केपी शर्मा ओलीमाथि आक्रोश व्यक्त गरेका छन्।

    ​उनले नेपालको आन्तरिक मामिलामा चीनलाई समेत जोडेर अभिव्यक्ति दिएका हुन्। बिहीबार एक ट्वीट गर्दै स्वामीले ओलीद्वारा गरिएको संसद्‌ विघटन बदर न घर न घाटको भएको दाबी गरेका छन्। साथै, चीनको प्रभावसँग लड्न भारतले नेपालको विकसित घटनाक्रमबाट सिक्नुपर्ने पनि उनले लेखेका छन्।

    ​नेपालमा चाँडै लोकतन्त्र फर्कने र संयुक्त सरकार गठन हुने आशा पनि उनले व्यक्त गरेका छन्।

    ​स्वामीले बुधबार पनि यस्तै अभिव्यक्ति दिएका थिए। उनले ओलीको कदमलाई सर्वोच्चले बदर गरेसँगै नेपाल-भारत सम्बन्ध मर्मत हुने लेखेका थिए।

    त्यसैगरी उनले नेपालका लोकतान्त्रिक नेताहरू नियमित सम्पर्कमा रहेको जनाएका छन्।

    प्रधानमन्त्री ओलीले गत असारमा वास्तविक अयोध्या नेपालमा रहेको बताउँदा पनि स्वामीले नेपाललाई पनि रावणलाई जस्तै देखाइदिने धम्की दिएका थिए।