शनि, साउन ११, २०८१
४ वर्ष पहिले
कपिलवस्तु : दशैकाे टीकाकै दिन सोमबार कपिलवस्तुमा छुट्टाछुट्टै दुर्घटना हुँदा २ जनाले ज्यान गुमाएका छन्।
सोमबार साँझ ८ बजे बुद्धभूमि २ गोरुसिंगेमा लु१च ३८५२ नम्बरको कार रुखमा ठोक्किँदा स्थानीय खुस्बु पाखियाको घटनास्थलमै मृत्यु भएको हो । कारमा सवार उनका पति इजहार गम्भीर घाइते भई बुटवल हस्पिटलमा उपचारार्थ लगिएको छ।
वाणगंगा नगरपालिकाको दरखास्तमा सोमबारै लु.४३प. ७०८६ नम्बरको मोटरसाइकल र लु.४४प. २०३३ को स्कुटर एक आपसमा ठोक्किँदा स्कुटर चालक कृष्ण थापाको पनि घटनास्थल मै मृत्यु भएको छ।
घटनामा वाणगंगा–८ बोडगाउका मृतक थापाका ५ वर्षको छोरा रिदम र मोटरसाइकल चालक शिवराज–१० बस्ने शिवदत्त मिश्र घाइते भएका जिल्ला ट्राफिक प्रहरी कार्यालय कपिलवस्तुका प्रमुख प्रहरी निरीक्षक प्रकाश कार्कीले जानकारी दिए।
