बुध, बैशाख १५, २०८३
१ घण्टा पहिले
बैशाख-१६,जल तथा मौसम विज्ञान विभागले हावाहुरी शुरू हुने समय र प्रभावित हुने जिल्लाको विवरण अद्यावधिक गरेको छ । विभागले आज बिहान जारी गरेको विशेष बुलेटिनमा उल्लेख भएअनुसार अपराह्न चार बजेबाटै हावाहुरी शुरू हुने छ ।
हावाहुरीबाट सुदूरपश्चिम प्रदेशका कञ्चनपुर, डडेलधुरा र डोटीसहित आसपासका जिल्ला प्रभावित हुने सम्भावना रहेको विभागले जनाएको छ । यसैगरी, लुम्बिनीका बर्दिया, बाँके, दाङ, अर्घाखाँची, परासीसहित आसपासका जिल्लामा पनि हावाहुरीको प्रभाव पर्ने छ ।
गण्डकी प्रदेशको नवलपुर र बागमती प्रदेशको चितवन आसपासका जिल्ला पनि हावाहुरीबाट प्रभावित हुनसक्ने सूचनामा उल्लेख छ ।
यस्तै, मधेश प्रदेशका बारा, पर्सा र धनुषासहित आसपासका जिल्लामा पनि हावाहुरीबाट प्रभावित हुनसक्ने विभागले जनाएको छ ।
कोशी प्रदेशका झापा र मोरङसहित आसपासका जिल्लामा पनि तीव्र हावाहुरीको सम्भावना छ ।
हिजो विभागले साँझ ५:४५ हुरी चल्न शुरू हुने र १७ गते बिहान ७:४५ बजे समाप्त हुने सम्भावना रहेको जनाएको थियो ।
