चैत्र-३, आज (शुक्रबार) साताको कारोबारको अन्तिम दिन सुन तथा चाँदीको भाउ बढेको छ ।

सुनचाँदी व्यवसायी महासंघका अनुसार आज सुन भाउ प्रतितोला ४ सय रुपैयाँले बढेर छापावाला सुन १ लाख ७ हजार १ सय रूपैयाँ र तेजाबी सुनको मूल्य प्रतितोला १ लाख ६ हजार ६ सय रुपैयाँ कायम भएको छ ।

बिहीबार छापावाल सुन प्रतितोला १ लाख ६ हजार ७ सय रूपैयाँ र तेजाबी सुनको मूल्य प्रतितोला १ लाख ६ हजार २ सय रूपैयाँमा कारोबार भएको थियो ।

यस्तै, आज चाँदीको भाउ प्रतितोला ५ रुपैयाँले बढेर १३ सय १० रूपैयाँ कायम भएको छ।

बिहीबार चाँदीको भाउ प्रतितोला १३ सय ५ रूपैयाँमा कारोबार भएको थियो।