शनि, मंसिर २८, २०८१
३ वर्ष पहिले
पुष-६, नेपालको चर्चित औद्योगिक घरानियाँ चौधरी ग्रुपका अध्यक्ष एवं सांसद विनोद चौधरी नेपाली कांग्रेसको मधेसी कोटाबाट केन्द्रीय सदस्यमा निर्वाचित भएका छन् ।
१४ औं महाधिवेशन अन्तर्गत मधेसी खुलातर्फको केन्द्रीय सदस्यमा नेपालका एकमात्र अर्बपति चौधरी दोस्रो नम्बरमा निर्वाचित भएका हुन् । उनले २२ सय ६ मत प्राप्त गरेका छन् ।
मधेसी खुलातर्फको केन्द्रीय सदस्यमा पहिलो नम्बरमा भने अजय चौरसिया निर्वाचित भएका छन् । उनले ४६ सय ६७ मत खसेकामा २५ सय २२ मत पाएका छन् ।
यसैगरी तेस्रो स्थानमा रहेर चन्द्रमोहन यादव २१ सय ३८ मतसहित निर्वाचित हुँदा महेन्द्रकुमार रायले १९ सय ८४ मत ल्याएर चौथो तथा दिनेशकुमार यादव १९ सय ५९ मतसहित पाँचौं भए ।
