शनि, साउन ११, २०८१
३ वर्ष पहिले
मंसिर-१७, सरकारले कोरोना भाइरसको नयाँ भेरियन्ट ओमिक्रोनको संक्रमणको खतरा रहेको भन्दै ९ देशबाट नेपाल आउन रोक लगाएको छ ।
बिहीबार बसेको मन्त्रिपरिषद् बैठकले दक्षिण अफ्रिका, हङकङसहित ९ देशबाट नेपाल आउन रोक लगाउने निर्णय गरेको हो ।
बैठकले दक्षिण अफ्रिका, बोत्स्वाना, जिम्बाब्बे, नामिबिया, लेसोथो, इसबाटिनी, मोजाम्बिक, मलावी र हकङकबाट आउने यात्रु, ती देशलाई ट्रान्जिट बनाएर आउने र तीन हप्ताभित्र ती मुलुकको भ्रमण गरी आउनेहरूलाई नेपाल प्रवेशमा रोक लगाएको हो।
शुक्रबार रातिदेखि नै यो निर्णय लागू हुनेछ । यस्तै, अहिले आइरहेका यात्रुको हकमा भने नेपाल आइसकेपछि अनिवार्य क्वारेन्टाइन बस्नुपर्नेछ ।
