शनि, साउन ११, २०८१
३ वर्ष पहिले
भदय-२, जनता समाजवादी पार्टी (जसपा) नेपाल पनि विधिवत रूपमा विभाजित भएको छ ।
सरकारले राजनीतिक दलसम्बन्धी ऐन संशोधन गरेर अध्यादेश ल्याएसँगै महन्थ ठाकुरले नयाँ पार्टी दर्ता गराएका छन् ।ठाकुरले बुधवार निर्वाचन आयोगमा जनता समाजवादी पार्टी नेपाल (लोकतान्त्रिक) दर्ताका लागि निवेदन दिएको हुन् ।
साइकल छाप चुनाव चिह्न राखेर महन्थ ठाकुरले नयाँ दल दर्ताका लागि निवेदन दिएका छन् । नयाँ दलमा ठाकुर मात्र एकल अध्यक्ष रहने छन् भने राजेन्द्र महतोलाई वरिष्ठ नेता राखिएको छ ।
जसपा (लोकतान्त्रिक) को कार्यकारिणी सदस्यमा कैलालीबाट निर्वाचित सांसद रेशम चौधरीलाई समेत समावेश गरिएको छ । दल दर्ताका लागि निवेदन दिनुअघि ठाकुर पक्षले कारागार कार्यालय डिल्लीबजारमै पुगेर हस्ताक्षर सनाखत गराएको थियो ।
