असार-२२,चितवन जिल्लामा भेरोसेल खोप को दोस्रो मात्रा लगाउने कार्यक्रमको पहिलो दिन ५ हजार ९ सय ९१ जनाले खोप लगाएका छन् ।

जिल्ला स्वास्थ्य कार्यालय चितवनले यस अघि भेरोसेल खोपको पहिलो मात्रा लगाएका लक्षित वर्गहरुले साबिककै खोप केन्द्रमा खोपको दोस्रो मात्रा लगाउन कार्यक्रम असार २२ र २३ गतेलाई तोकेसंगै कार्यक्रमको पहिलो दिन चितवन जिल्लाको सातवटा पालिकाहरुमा ५ हजार ९ सय ९१ जनाले खोप लगाएको जिल्ला स्वास्थ्य कार्यालयले जनाएको छ।

चितवनका सात पालिकामध्ये भरतपुर महानगरपालिका ४ हजार १ सय ४५, खैरहनी नगरपालिकाका ३ सय १३, माडी नगरपालिकाका १ सय ७९, रत्ननगर नगरपालिकाका ७ सय ९१, राप्ती नगरपालिकाका ३ सय १, कालिका नगरपालिकाका २ सय २३ र इच्छाकामनामा गाउँपालिकाका ४८ गरी जम्मा ५ हजार ९ सय ९१ जनाले खोप लगाएका हुन् ।