सोम, अशोज २७, २०८१
४ वर्ष पहिले
कार्तिक २३,स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमका अनुसार पछिल्लो २४ घण्टामा २ हजार ८ सय १७ जना संक्रमित थपिएका हुन् । यो संगै नेपालमा संक्रमित हुनेको संख्या १ लाख ९४ हजार ४ सय ५३ पुगेको छ ।
२४ घण्टामा १२ हजार ३ सय ११ जनाको पिसिआर परीक्षण भएको छ । यो सँगै १५ लाख ४० हजार ७७ जनाको पिसिआर भएको जनाईएको छ ।
देशभर सक्रिय संक्रमितको संख्या ३५ हजार ४ सय १९ रहेको छ । संक्रमितमध्ये ६ हजार २ सय २२ संस्थागत आइसोलेसनमा छन् भने २९ हजार १ सय ९७ जना होम आइसोलेसनमा रहेका छन् ।
यस्तै पछिल्लो २४ घण्टामा २ हजार ८ सय १२ जना निको भएका छन् । कुल निको हुनेको संख्या १ लाख ५७ हजार ९ सय २६ पुगेको छ ।नेपालमा कोरोना भाइरस संक्रमित निको हुने प्रतिशत ८१.१ रहेको छ ।
स्वास्थ्य तथा जनसंख्या मन्त्रालयका अनुसार कोरोनाबाट थप २१ को मृत्यु भएको छ । यो सहित नेपालमा कोरोना भाइरसबाट मृत्यु हुनेको संख्या १ हजार १ सय ८ पुगेको छ ।
हाल क्वारेन्टिनमा १ हजार १ सय ४९ जना रहेको छ । त्यसैगरी आईसीयूमा ३९८ र भेन्टिलेटरमा ८२ जनाको उपचार भइरहेको छ।
