प्रदेश नम्बर ५ को स्थायी राजधानी दाङको भालुवाङ राख्ने प्रस्ताव दुई तिहाईले पारित भएको छ।

मंगलबार प्रदेशसभामा भएको मतदानमा दाङको भालुवाङलाई प्रदेश राजधानी बनाउने प्रस्ताव दुई तिहाईले पारित भएको हो । प्रस्तावको पक्षमा ६९ र विपक्षमा १३ मत परेको थियो ।
कांग्रेसका १९ सांसदमध्ये ५ जनाले दाङको पक्षमा मतदान गरेका थिए भने १३ जनाले विपक्षमा मतदान गरे ।
गत शुक्रबार प्रदेश नम्बर ५ सरकारले प्रदेश नम्बर ५ को स्थायी राजधानी दाङको भालुवाङ र प्रदेशको नाम लुम्बिनी राख्ने प्रस्ताव पेश गरेको थियो । प्रदेश सभाका ८७ जना सांसद मध्ये ८२ जनाले मतदान गरेका थिए।