भाद्र ३०, चितवन ।
अविरल बर्षा संगै आएको पहिरोले मुग्लिन–नारायणगढ सडकखण्ड अबरुद्ध भएको छ । चितवनको इच्छाकामना गा.पा. वडा नं. ६ चार किलोमा पहिरो खस्दा राजमार्ग अबरुद्ध भएको हो । हिजो दिउसो खसेको पहिरो हटाएर राजमार्ग सञ्चालन भएको केही समयपछि राति ११ बजे पुन माथिबाट पहिरो खसेको हो । वर्षा भइरहेको हुँदा राति पहिरो हटाउन जोखिम हुने भएपछि अहिले विहान ७ बजेबाट पहिरो हटाउने काम शुरु गरिएको सडक डिभिजन कार्यालय भरतपुरका लोडर अपरेटर अमर गुरुङ्गले जानकारी दिनुभएको छ । थप माथिबाट पहिरो नझरेको ३ घण्टामा दुवै तर्फ राजमार्ग सञ्चालन गर्न सकिने ट्राफिक प्रहरी कार्यालय मुगि्लनका प्रहरी सहायक निरीक्षक युवराज बसौलाले हाइवे खबरलाई जानकारी दिएका छन् ।